दक्षिण अफ्रिकालाई हराउँदै क्यानडाले रच्यो इतिहास

सह-आयोजक क्यानडाले दक्षिण अफ्रिकालाई रोमाञ्चक खेलमा पराजित गर्दै पहिलो पटक विश्वकपको अन्तिम १६ मा पुगेर इतिहास रचेको छ। खेलको इन्जुरी समयको दोस्रो मिनेटमा स्टेफन इस्टाकियोले गरेको निर्णायक गोलले क्यानडालाई १-० को ऐतिहासिक जित दिलायो।

धेरै गोल गर्ने अवसरहरू नबनेको यस प्रतिष्पर्धात्मक खेलमा अतिरिक्त समयतर्फ धकेलिने सङ्केत देखिएको थियो। तर, खेलको अन्त्यतिर इस्टाकियोले पेनाल्टी एरियाको छेउबाट प्रहार गरेको उत्कृष्ट 'लो स्ट्राइक' गोलमा परिणत भएपछि क्यानडाले जित हासिल गर्‍यो।