‘कुहिएको शव फ्रिजमा राख्दा पनि सुरक्षित हुन्न’

बाढी, पहिरो तथा अन्य प्राकृतिक विपद्का बेला खोज तथा उद्धारसँगै मृतकको शव व्यवस्थापन पनि ठूलो चुनौती बन्ने गर्छ । ठूलो संख्यामा शव फेला पर्ने, दुर्गम क्षेत्रमा उद्धारमा ढिलाइ हुने र शव पहिल्यै कुहिन थालेको अवस्थामा त्यसलाई कसरी सुरक्षित राख्ने भन्ने प्रश्न उठ्छ । यही क्रममा शव जलाउने कि अस्थायी रूपमा दफन गर्ने भन्ने विषयमा समेत बहस हुने गरेको छ ।

त्रिवि शिक्षण अस्पतालको फरेन्सिक विभागका प्रमुख डा. गोपाल चौधरीका अनुसार विपद्को समयमा शव व्यवस्थापन गर्दा भावनात्मक पक्षसँगै वैज्ञानिक, कानुनी र मानवअधिकारका पक्षलाई पनि उत्तिकै ध्यान दिनुपर्छ ।