गोपालमानको श्रद्धाञ्जलीमा पनि सानेपा गएनन् कांग्रेस इतर पक्षका नेता

नेपाली कांग्रेसका नेता गोपालमान श्रेष्ठको पशुपति आर्यघाटमा अन्तिम संस्कार गरिएको छ। केही समयदेखि क्यान्सर रोगबाट पीडित श्रेष्ठको उपचारका क्रममा मंगलबार निधन भएको हो। श्रेष्ठको पशुपति आर्यघाटमा अन्त्येष्टिअघि बुधबार बिहान अन्तिम श्रद्धाञ्जलीका लागि पार्टी केन्द्रीय कार्यालय सानेपामा राखिएको थियो।

कांग्रेस सभापति गगनकुमार थापाले उनको पार्थिव शरीरमा पार्टीको झन्डा ओढाएर सम्मान प्रकट गरेका थिए। श्रेष्ठलाई अन्तिम बिदाइ गर्न कांग्रेस नेता तथा कार्यकर्ता, विभिन्न राजनीतिक दलका शीर्ष नेताहरू पनि सानेपा पुगेका थिए। राष्ट्रिय स्वतन्त्र पार्टी (रास्वपा) का सभापति रवि लामिछाने, नेपाली कम्युनिस्ट पार्टी (नेकपा) का संयोजक पुष्पकमल दाहाल, राष्ट्रिय प्रजातन्त्र पार्टीका अध्यक्ष राजेन्द्र लिङदेन, नेकपा एमाले महासचिव शंकर पोखरेललगायतका नेताहरू सानेपा पुगेका थिए।