बेलायतमा पहिलो गोर्खा आर्टिलरी युनिट स्थापना, राजा चार्ल्सले गरे नेपाली सैनिकको प्रशंसा

लन्डन । बेलायती सेनाको इतिहासमा पहिलोपटक समर्पित गोर्खा आर्टिलरी युनिट स्थापना गरिएको छ। युनिट गठनको अवसरमा आयोजित विशेष परेडमा सहभागी भएका बेलायतका राजा चार्ल्स तृतीयले नेपाली गोर्खा सैनिकहरूको खुलेर प्रशंसा गरेका छन्।

विल्टशायरस्थित लार्कहिल ब्यारेक्समा आयोजित ‘फर्मेशन परेड’ निरीक्षण गर्दै राजा चार्ल्सले गोर्खा सैनिकहरूको योगदानको उच्च मूल्यांकन गरेका हुन्। उनले यो युनिटले बेलायत र नेपालबीचको लामो तथा महत्वपूर्ण सम्बन्धलाई झनै मजबुत बनाएको बताए।