अर्जेन्टिनाका खेलाडी र फुटबल संघलाई कारबाही गर्न फिफाले हाल्यो मुद्दा

काठमाडौं । अन्तर्राष्ट्रिय फुटबल महासंघ (फिफा) ले फिफा विश्वकप फाइनलपछि स्पेनका खेलाडीमाथि आक्रमण गरेको आरोपमा अर्जेन्टिनाका दुई खेलाडीविरुद्ध अनुशासनात्मक मुद्दा दर्ता गरेको छ । साथै, विश्वकपको सेमिफाइनलमा इंग्ल्यान्डलाई पराजित गरेपछि फकल्याण्ड (माल्भिनास) द्वीपसम्बन्धी राजनीतिक सन्देशसहितको ब्यानर प्रदर्शन गरेको विषयमा अर्जेन्टिना फुटबल संघविरुद्ध पनि कारबाही प्रक्रिया अघि बढाएको छ ।

फिफाले बुधबार सार्वजनिक गरेको अनुशासनात्मक मुद्दाहरूको सूचीअनुसार अर्जेन्टिनाविरुद्ध दर्शकबाट भएको कथित विभेदपूर्ण नाराबाजी र हाउभाउ, फाइनलपछि सहायक प्रशिक्षकद्वारा गरिएको भनिएको आक्रमण तथा विश्वकपका विभिन्न खेलका क्रममा दर्शकले मैदानमा वस्तु फालेको घटनासमेत अनुसन्धानको दायरामा परेका छन् ।