काठमाडौंमा अन्तर्राष्ट्रिय एआई तथा साइबर सुरक्षा सम्मेलन हुँदै, सेसन प्रस्ताव आह्वान

काठमाडौं । कृत्रिम बौद्धिकता (एआई) र साइबर सुरक्षाले विश्वव्यापी डिजिटल इकोसिस्टमलाई तीव्र रूपमा रूपान्तरण गरिरहेका बेला कम्प्युटर एसोसिएसन नेपाल महासंघ (क्यान महासंघ) ले ‘अन्तर्राष्ट्रिय आईसीटी कन्फरेन्स अन एआई एण्ड साइबरसुरक्षा २०२६’ आयोजना गर्ने भएको छ ।

महासंघका अनुसार सम्मेलन आगामी शुक्रबार, १९ भाद्र २०८३ (सेप्टेम्बर ४, २०२६) मा काठमाडौंमा आयोजना हुनेछ । एआई, साइबर सुरक्षा तथा डिजिटल प्रविधिको भविष्यबारे राष्ट्रिय तथा अन्तर्राष्ट्रिय स्तरका विज्ञहरूबीच विचार आदानप्रदान गर्ने उद्देश्यले सम्मेलन आयोजना गर्न लागिएको हो ।