सिंगापुरमा स्ट्र चाट्ने प्र्याङ्क गर्ने विद्यार्थीलाई जरिवाना

सिंगापुर । सिंगापुरको एक अदालतले १९ वर्षीय फ्रान्सेली विद्यार्थी डिडियर गास्पार्ड ओवेन म्याक्सिमिलियनलाई सार्वजनिक स्थलमा उपद्रव गरेको अभियोगमा ६०० सिंगापुर डलर (करिब ४६५ अमेरिकी डलर) जरिवाना गरेको छ ।

म्याक्सिमिलियनले मार्च १२ मा गोल्डहिल सेन्टरस्थित आइजूज कम्पनीको सुन्तलाको जुस बेच्ने भेन्डिङ मेसिनबाट स्ट्र निकालेर चाटी पुनः स्ट्र डिस्पेन्सरमै राखेका थिए । उनले उक्त घटनाको भिडियो इन्स्टाग्राममा ‘शहर सुरक्षित छैन’ भन्ने क्याप्सनसहित पोस्ट गरेका थिए ।