दक्षिणी युरोपमा डढेलोको कहर,  डढेलो निभाउने क्रममा ग्रीसमा तीन अग्निनियन्त्रकको मृत्यु

एथेन्स । दक्षिणी युरोपमा फैलिएको भीषण डढेलोका कारण ग्रीसमा तीन जना अग्निनियन्त्रक (फायरफाइटर)को मृत्यु भएको छ । ग्रीस, स्पेन, फ्रान्स र टर्कीका विभिन्न क्षेत्रमा अत्यधिक गर्मी र तीव्र हावाका कारण डढेलो नियन्त्रणमा चुनौती थपिएको छ ।

ग्रीसको क्रेट टापुमा तीव्र हावाले आगो झन् फैलाएपछि धेरै गाउँ खाली गराइएको छ । पश्चिमी रेथिम्नो क्षेत्रमा आगोले घेरेपछि दुई अग्निनियन्त्रकको मृत्यु भएको हो । अर्का एक अग्निनियन्त्रकको शव दक्षिणी गिथियो बन्दरगाह नजिक अचेत अवस्थामा फेला परेको थियो ।