दिदी-भाइको ममताले भावुक बनायो पार्वतीलाई

आगामी भदौ १२ गते रिलिजमा आउने फिल्म पार्वतीले टिजरमार्फत दर्शकमाझ भावनात्मक छाप छोड्ने प्रयास गरेको छ। गुरुपूर्णिमाको अवसर पारेर बुधबार सार्वजनिक गरिएको टिजरमा अटिजम भएकी दिदी र उनका भाइबीचको निःस्वार्थ मायालाई केन्द्रमा राखिएको छ।

एक मिनेट ५७ सेकेन्डको टिजरमा पार्वतीको भूमिकामा रहेकी नीता ढुंगाना र उनका भाइको भूमिकामा रहेका बालगायक अशोक दर्जी मात्र देखिएका छन्। दिदी-भाइबीचको आत्मीय सम्बन्ध, स्नेह र भावनात्मक उतारचढावले टिजरलाई मार्मिक बनाएको छ। संवादभन्दा भावनाले कथा बोल्ने शैलीमा तयार पारिएको टिजरले फिल्मप्रति दर्शकको जिज्ञासा पनि बढाएको छ।