कागेश्वरी मनोहराको लभ डाँडाको बालुवा बगेर बस्तीमा, स्थानीयलाई सास्ती (तस्बिरहरू)

काठमाडौं। वर्षायाममा कागेश्वरी मनोहरा नगरपालिका–८, किराँत टोलस्थित लभ डाँडाबाट बग्ने बालुवा र हिलोका कारण स्थानीयले सास्ती व्यहोर्नुपरेको छ।

पानी पर्दा डाँडाको बालुवा सडक हुँदै घरभित्र पस्ने समस्या वर्षेनि दोहोरिने गरेको छ। स्थानीयकाअनुसार पशुपति क्षेत्र विकास कोषअन्तर्गत पर्ने लभ डाँडाबाट बग्ने बालुवा ढलमा समेत जम्ने भएकाले वर्षाको पानी सहज रूपमा निकास हुन नसक्ने अवस्था छ। यसले सडक तथा बस्तीमा डुबानको जोखिमसमेत बढाएको उनीहरूको भनाइ छ।