सिरहाको गोलबजारमा अनिश्चितकालीन कर्फ्यु, शान्ति–सुरक्षा कायम गर्न प्रशासनको आग्रह

सुनसरी घटनालाई लिएर सिरहाको गोलबजार क्षेत्रमा बिग्रँदै गएको सुरक्षा अवस्थालाई मध्यनजर गर्दै जिल्ला प्रशासन कार्यालय सिरहाले अनिश्चितकालीन कर्फ्यु आदेश जारी गरेको छ।

प्रमुख जिल्ला अधिकारी सुरेन्द्र पौडेलद्वारा जारी आदेशअनुसार आन्दोलन तथा सम्भावित हिंसात्मक गतिविधिका कारण शान्ति–सुरक्षा भंग हुन सक्ने आकलनपछि जिल्ला सुरक्षा समितिको निर्णय अनुसार स्थानीय प्रशासन ऐन, २०२८ को दफा ६९क० बमोजिम कर्फ्यु लागू गरेको हो।