सार्वजनिक यातायातको अवस्था सुधार्न सांसद पराजुलीको माग

काठमाडौं । राष्ट्रिय स्वतन्त्र पार्टीका सांसद गणेश पराजुलीले राजधानीसहित देशभरको सार्वजनिक यातायात सेवाको दयनीय अवस्थाप्रति सरकारको ध्यानाकर्षण गराएका छन् ।

बिहीबार बसेको प्रतिनिधिसभा बैठकमा बोल्दै उनले सार्वजनिक यातायात गन्तव्यमा पुग्ने साधन मात्र नभई राज्यले आफ्ना नागरिकलाई कति सम्मान गर्छ भन्ने मापन गर्ने महत्वपूर्ण आधार पनि भएको बताए । उनले नागरिकलाई सहज, सुरक्षित र व्यवस्थित यातायात सेवा उपलब्ध गराउन आग्रह गरे ।