अब ह्वाट्सएपको वेब भर्सनबाटै अडिओ र भिडिओ कल गर्न सकिने, जुम र माइक्रोसफ्ट टिम्सलाई धक्का

काठमाडौं । अब ह्वाट्सएप प्रयोगकर्ताले कम्प्युटरमा कुनै पनि एप डाउनलोड नगरी सिधै वेब ब्राउजरबाटै अडिओ र भिडिओ कल गर्न पाउने भएका छन् । ह्वाट्सएपले आफ्नो वेब भर्सनका लागि हालै मात्र यो सुविधा ल्याएको हो ।

यसले गर्दा अब प्रयोगकर्ताले कम्प्युटरमा ह्वाट्सएपको एप इन्स्टल नगरिकनै सजिलै कल गर्न सक्नेछन् । ह्वाट्सएपको यो नयाँ सुविधालाई जुम र माइक्रोसफ्ट टिम्स जस्ता स्थापित भिडिओ कलिङ सेवा प्रदायकका लागि ठुलो चुनौतीका रूपमा हेरिएको छ ।