गुगल डक्समा जेमिनीको नयाँ एआई सुविधा, अब कमेन्टको सारांश र जवाफ आफैं तयार हुने

काठमाडौं । गुगलले आफ्नो एआई सहायक जेमिनीको क्षमता विस्तार गर्दै गुगल डक्स प्रयोगकर्ताका लागि नयाँ एआई आधारित कमेन्ट व्यवस्थापन सुविधा सार्वजनिक गरेको छ । यस सुविधाले कागजातमा आएका कमेन्टहरूको व्यवस्थापन र सहकार्यलाई थप सहज बनाउने कम्पनीको विश्वास छ ।

नयाँ सुविधाअन्तर्गत जेमिनीले सहकर्मी वा अन्य प्रयोगकर्ताले गरेका कमेन्टहरू पढेर तिनको सारांश तयार गर्न, सम्भावित जवाफको मस्यौदा (ड्राफ्ट) बनाउन तथा प्रयोगकर्ताको तर्फबाट उपयुक्त जवाफ सुझाव दिन सक्नेछ । साथै, जेमिनीले सम्पूर्ण डकुमेन्टको विश्लेषण गरेर आवश्यक सुधार वा सुझावहरू कमेन्टका रूपमा प्रस्तुत गर्न पनि सक्षम हुनेछ ।