सिरहाको गोलबजार क्षेत्रमा कर्फ्यु

काठमाडौँ- सिरहा जिल्लाको पछिल्लो सुरक्षा अवस्थालाई दृष्टिगत गर्दै जिल्ला प्रशासन कार्यालयले गोलबजार क्षेत्रमा अनिश्चितकालीन कर्फ्यु आदेश जारी गरेको छ। कर्फ्यु बिहीबार दिउँसो २ बजेदेखि अर्को आदेश जारी नभएसम्म लागू रहने प्रशासनले जनाएको छ।

जिल्ला सुरक्षा समितिको निर्णयका आधारमा स्थानीय प्रशासन ऐन, २०२८ को दफा ६(क) बमोजिम प्रमुख जिल्ला अधिकारीले कर्फ्यु आदेश जारी गरेका हुन्। प्रशासनका अनुसार आन्दोलन तथा हुलदंगाका कारण शान्तिसुरक्षा भंग हुन सक्ने अवस्था देखिएकाले उक्त निर्णय गरिएको हो।