त्रसित मानसिकतामा चिकित्सकले कसरी सेवा दिन सक्छन् : सांसद थापा

काठमाडौं- राष्ट्रिय स्वतन्त्र पार्टी (रास्वपा) का सांसद डा. लेखजङ थापाले त्रसित मानसिकतामा रहेका चिकित्सक तथा स्वास्थ्यकर्मीले प्रभावकारी रूपमा स्वास्थ्य सेवा प्रदान गर्न नसक्ने बताएका छन्।

बिहीबार प्रतिनिधि सभाको विशेष समयमा बोल्दै सांसद थापाले डा. प्रमोद राममाथि भएको कुटपिटपछि चिकित्सकहरू आन्दोलनमा उत्रिएको र त्यसपछि सरकार तथा नेपाल चिकित्सक संघबीच भएको वार्ता सकारात्मक भएको बताए। उनले आजैदेखि देशभर ओपीडीलगायत सम्पूर्ण स्वास्थ्य सेवा पुनः सञ्चालनमा आएकोमा सरकार र नेपाल चिकित्सक संघलाई धन्यवादसमेत दिए।