नेपाल यातायात व्यवसायी राष्ट्रिय महासंघको निर्वाचन विधानविपरीत

काठमाडौँ । नेपाल यातायात व्यवसायी राष्ट्रिय महासंघको पोखरामा सम्पन्न महाधिवेशन कानून र विधानविपरीत भएको भन्दै गृह मन्त्रालयमा उजुरी परेको छ । गएको बैशाख २७ देखि २९ सम्म भएको महासंघको सातौं राष्ट्रिय महाधिवेशन भएको थियो ।

आफूले दाबी विरोध गर्दा पनि विधानको व्यवस्थाविपरीत पदाधिकारी निर्वाचित भएको भन्दै उपाध्यक्षका प्रत्यासी रामशशी पाण्डे, कोषाध्यक्षका प्रत्यासी राजेशकुमार श्रेष्ठ, वर्गीय संयोजक (माइक्रो) का प्रत्यासी केदार सापकोटालगायतले निर्वाचन परिणाम बदर गर्न, पदस्थापना रोक्न र निर्वाचन समितिका संयोजक कृष्णप्रसाद ज्ञवाली समेतलाई कारबाहीको माग गर्दै उजुरी गृहमन्त्रालयदेखि विभिन्न निकायमा उजुरी दिएका हुन् । राष्ट्रिय निर्देशक ऐन २०१८ अन्तर्गत दर्ता भएको संस्थाले गृह मन्त्रालयमा उजुरी दिएको हो ।