जय श्रीराम र हरहर महादेव भन्दै सदनमा भाषण गरेका रहबर अन्सारीको आग्रह- धार्मिक द्वेष नफैलाऔँ

काठमाडौं- राष्ट्रिय स्वतन्त्र पार्टी (रास्वपा) का सांसद रहबर अन्सारीले विभिन्न धर्मका पवित्र धार्मिक नाराहरूलाई समाजमा द्वेष र विभाजन फैलाउने राजनीतिक हतियारको रूपमा प्रयोग गर्न नहुने बताएका छन् । सुनसरीको कप्तानगञ्जमा भएको हिंसात्मक घटना र बढ्दो धार्मिक सामाजिक तनावका सन्दर्भमा प्रतिनिधि सभाको बैठकमा सम्बोधन गर्दै उनले ‘जय श्रीराम’, ‘हर हर महादेव’, ‘अल्लाह हु अकबर’, ‘हलेलुया’ र ‘नमो बुद्धाय’ जस्ता शब्दहरू उच्चारण गर्दै आफ्नो भाषण सुरु गरेका थिए ।