भारतबाट दैनिक ४० वटा जंगली हात्ती छिर्छन् बाहुनडाँगीमा, केही फर्कन्छन्, केही अड्डा जमाएर बस्छन्

असारको मध्य महिना किसानका लागि वर्षभरि खाने अन्नबाली भित्र्याउन खेतमा पसिना बगाउने मुख्य समय हो। तर, झापाको मेचीनगर–४ बाहुनडाँगीका बासिन्दालाई भने यो बेला रोपाइँको चटारोभन्दा पनि ज्यान र धन जोगाउने चिन्ताले सताएको छ।

भारततर्फबाट छावा (हात्तीका बच्चा)सहित आएका जंगली हात्तीहरू गाउँमै दिनभर अखडा जमाएर बस्न थालेपछि यहाँका बासिन्दा यतिबेला त्रासमा बाँच्न विवश छन्।