सुनसरी घटनाप्रति पूर्वराजा ज्ञानेन्द्रको चिन्ता, संयम र सद्भाव कायम राख्न आग्रह

काठमाडौं । पूर्वराजा ज्ञानेन्द्र शाहले सुनसरीसहित विभिन्न क्षेत्रमा हालै भएको आपसी द्वन्द्व र विवादप्रति दुःख व्यक्त गर्दै सबै नेपालीलाई संयम अपनाउन तथा आपसी सद्भाव कायम राख्न आग्रह गरेका छन् ।

निर्मल निवासस्थित संवाद सचिवालयमार्फत बुधबार जारी सद्भाव सन्देशमा उनले सुनसरीमा भएको द्वन्द्वका कारण जनधनको क्षति भएको तथा त्यसको असर कोशी क्षेत्र र तराईका विभिन्न भागसम्म फैलिएकोप्रति चिन्ता व्यक्त गरेका हुन् ।