गोविन्द केसी डिस्चार्ज, अटोमै बसेर पुगे धर्मसाला

कैलाली । चिकित्सा शिक्षा सुधारका अभियन्ता डा. गोविन्द केसीलाई सेती प्रादेशिक अस्पतालबाट डिस्चार्ज गरिएको छ। स्वास्थ्यमा क्रमिक सुधार आएपछि चिकित्सकको सल्लाहअनुसार बिहीबार दिउँसो उनलाई अस्पतालबाट बिदा गरिएको हो।

साउन ७ गते डा. केसी कैलालीस्थित कृष्ण मन्दिर धर्मसालाको २११ नम्बर कोठाबाट अनशनमा बसेका थिए। अनशनकै क्रममा स्वास्थ्य अवस्था बिग्रिएपछि उनलाई सेती प्रादेशिक अस्पतालको सघन उपचार कक्ष (आईसीयू)मा भर्ना गरेर उपचार गरिएको थियो। अस्पतालमा उपचाररत रहँदासमेत उनले आफ्नो अनशन भने जारी राखेका थिए।