विवादमा परेको शव व्यवस्थापन निर्णय, आफन्त नआउञ्जेल जोगाएर राख्नुपर्थ्यो कि गाड्नु नै ठिक?

भोटेकोशी–त्रिशूलीको विनाशकारी बाढीमा ज्यान गुमाएका र तत्काल पहिचान हुन नसकेका शवबाट डिएनए नमूना संकलन गरी जमिनमुनि गाड्ने सरकारको निर्णय विवादित बनेको छ।

एकथरीले शव नसड्ने गरी जोगाएर राख्ने सम्भावनाको खोजी नगरी सरकारले आफ्नो सजिलोका लागि गाड्ने हतार गरेको भनेका छन्। उनीहरूले अन्तिम संस्कार र शव पहिचान गर्न पाउने नागरिक हक बेवास्ता गरिएको भन्दै आलोचना गरिरहेका छन्।