होटल खोज्दै जेलमा पुगेकी महिलालाइ आयो यस्तो जवाफ!

फिलिपिन्सको बागुइयो सहर घुम्न जाने योजना बनाएकी एक महिलाले होटल खोज्ने क्रममा गल्तीवश महिला कारागारलाई नै होटल सम्झेर कोठा बुक गर्न सन्देश पठाएकी छन्। उक्त रमाइलो संवाद सामाजिक सञ्जालमा भाइरल बनेपछि लाखौं मानिसले हेरेका छन्।

महिलाले फेसबुकमार्फत “यो सप्ताहन्तका लागि कोठा खाली छ?” भनेर सन्देश पठाएकी थिइन्। त्यसको जवाफमा कारागार प्रशासनले शिष्टतापूर्वक, “म्याडम, यो महिलाहरूको जेल हो, होटल होइन,” भन्दै जानकारी गरायो। आफ्नो गल्ती थाहा पाएपछि ती महिलाले तुरुन्तै माफी मागिन्।