फैलँदै इरान-अमेरिका द्वन्द्व : इजिप्टको बन्दरगाहमा ड्रोन आक्रमण

इजिप्टको भूमध्यसागरीय तटमा रहेको दामिएटा बन्दरगाहमा ग्यास प्रशोधन र भण्डारणका लागि प्रयोग हुने दुईवटा जहाजमा ड्रोन आक्रमणबाट आगलागी भएको छ।

त्यहाँको तेल मन्त्रालयले घटनामा कुनै पनि मानवीय क्षति नभएको जानकारी गराउँदै आपतकालीन तथा द्रुत प्रतिक्रिया योजना अपनाएर परिस्थिति तुरुन्तै नियन्त्रणमा लिइएको बताएको छ। इजिप्टका अधिकारीहरूले घटनाको कारण पत्ता लगाउन र देशको हित तथा राष्ट्रिय सुरक्षाको रक्षाका लागि आवश्यक अनुसन्धान र उपायहरू जारी राखेका छन्। अहिलेसम्म कुनै पनि पक्षले यस आक्रमणको जिम्मा लिएको छैन।