भरतबन्धु थापाको ‘प्याराडाईज बागमती’ सार्वजनिक

काठमाडौं । संस्कृति तथा पर्यटन मन्त्रालय, बागमती प्रदेशद्वारा प्रकाशित लेखक तथा फोटोग्राफर भरतबन्धु थापाको फोटो पुस्तक ‘प्याराडाईज बागमती’ सार्वजनिक गरिएको छ ।

पुस्तकमा बागमती प्रदेशका धार्मिक, ऐतिहासिक, सांस्कृतिक तथा प्राकृतिक सम्पदाका आकर्षक तस्बिरसँगै तिनको संक्षिप्त परिचय समेटिएको छ । बागमती प्रदेशका संस्कृति तथा पर्यटनमन्त्री सुरेश श्रेष्ठले बागमती प्रदेशको पर्यटन, संस्कृति र पहिचानलाई राष्ट्रिय तथा अन्तर्राष्ट्रिय स्तरमा प्रवद्र्धन गर्न पुस्तकले महत्वपूर्ण भूमिका खेल्ने बताए ।