बागमतीमा मुख्यमन्त्री बानियाँलाई समर्थन जुटाउन कांग्रेसले लिखित तथा मौखिक समन्वय गर्ने

नेपाली कांग्रेस बागमती प्रदेशसभा संसदीय दलले मुख्यमन्त्री इन्द्रबहादुर बानियाँ नेतृत्वको सरकारलाई निरन्तरता दिन अन्य राजनीतिक दलसँग समर्थन जुटाउने निर्णय गरेको छ।

बिहीबार बसेको कांग्रेस बागमती प्रदेश संसदीय दलको बैठकले नेकपा एमालेले सरकारलाई दिएको समर्थन फिर्ता लिएर सरकारमा सहभागी मन्त्रीहरूले राजीनामा दिएको अवस्थामा कांग्रेस नेतृत्वको सरकार जोगाउन पहल गर्ने निर्णय गरेको हो।