चिकित्सक काममा फर्किए, १५ बुँदे मागसहित नर्सिङ अभियन्ता रानाभाट अनशनमा

सरकारसँग सहमति भएपछि चिकित्सकहरु नियमित काममा फर्किएको एकदिन पनि नहुँदै नर्सिङ अभियन्ता ज्योति रानाभाट अनशनमा बसेकी छन्। नर्सिङ तथा मिडवाइफ्री सेवाको सुधारका लागि १५ बुँदे माग अघि सार्दै उनले बिहीबारदेखि अनिश्चितकालीन अनशन सुरु गरेकी छन्।

नेपाल नर्सिङ काउन्सिलको प्राङ्गणमा सुरु गरिएको अनशनमार्फत उनले नर्सिङ तथा मिडवाइफ्री सेवाको सुदृढीकरण, बिरामी सुरक्षाको सुनिश्चितता तथा नीतिगत सुधारमा सरकारले प्रभावकारी पहल नगरेको आरोप लगाएकी छन्। उनले आफ्ना मागबारे स्वास्थ्य तथा खाद्य स्वच्छता मन्त्रालयको ध्यानाकर्षणसमेत गराएकी छन्।