पार्टी सदस्यलाई रेडक्रसमा निषेध

नेपाल रेडक्रस सोसाइटी जिल्ला शाखा भक्तपुरले सक्रिय राजनीतिमा संलग्न व्यक्तिलाई रेडक्रसको सदस्यता तथा नेतृत्वमा स्थान नदिने नीति सार्वजनिक गरेपछि यसको पक्ष–विपक्षमा बहस सुरु भएको छ।

नवनियुक्त जिल्ला सभापति रामेश्वर थापाले पदभार ग्रहण गर्दै रेडक्रसलाई राजनीतिक प्रभावबाट मुक्त राख्ने प्रतिबद्धता व्यक्त गरे। उनले अबदेखि विशुद्ध समाजसेवामा समर्पित र कुनै राजनीतिक दलको सदस्यता नलिएका व्यक्तिका लागि सदस्यता खुला गरिने बताए।