मधेशकेन्द्रित दलको अपिल : घटनाको निष्पक्ष छानबिन गरौँ, संयम बनौँ

काठमाडौं। मधेशकेन्द्रित दलहरूले सुनसरी देवानगञ्ज घटनाको निष्पक्ष छानबिन, पीडितलाई न्याय तथा सामाजिक सद्भाव कायम गर्न आह्वान गरेका छन्। संयुक्त विज्ञप्ति जारी गर्दै उनीहरूले साम्प्रदायिक तनावपछि राज्यका निकायले संयमित र निष्पक्ष भूमिका निर्वाह गर्नुपर्ने बताएका छन्।

‘सुनसरीको देवानगञ्जमा भएको दुःखद घटनापछि उत्पन्न परिस्थितिप्रति हामी गहिरो दुःख, चिन्ता र संवेदना व्यक्त गर्दछौँ । यस घटनामा ज्यान गुमाएका नागरिकप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गर्दछौँ । साथै, घाइते सबैको शीघ्र स्वास्थ्यलाभको कामना गर्दछौँ,’ संयुक्त विज्ञप्तिमा भनिएको छ।