तनाव अन्त्य गर्न देउवाको अपिल

काठमाडौँ- नेपाली कांग्रेसका पूर्वसभापति एवम् पूर्वप्रधानमन्त्री शेरबहादुर देउवाले तराईका विभिन्न क्षेत्रमा पछिल्ला केही दिनदेखि देखिएको तनावग्रस्त अवस्थाप्रति गम्भीर ध्यानाकर्षण भएको जनाउँदै सामाजिक सद्भाव, एकता र शान्ति कायम राख्न सबै पक्षसँग अपिल गरेका छन्।

बिहीबार सामाजिक सञ्जालमार्फत जारी सन्देशमा देउवाले नेपाली समाजको पहिचान आपसी सहअस्तित्व, सद्भाव र सहकार्य रहेको उल्लेख गर्दै सबै दाजुभाइ तथा दिदीबहिनीलाई संयमता अपनाई शान्ति, एकता र सहकार्यको आदर्शलाई अनुसरण गर्न आग्रह गरेका हुन्।