इराक र इरानका विदेशमन्त्रीबीच द्विपक्षीय सम्बन्ध र क्षेत्रीय सुरक्षाबारे छलफल

काठमाडौं । इराकका विदेशमन्त्री फुआद हुसेन र इरानका विदेशमन्त्री सैयद अब्बास अराघचीबीच आइतबार बग्दादमा द्विपक्षीय सम्बन्ध, क्षेत्रीय सुरक्षा तथा साझा चासोका विषयमा छलफल भएको छ ।

इराकी विदेश मन्त्रालयद्वारा जारी विज्ञप्तिअनुसार भेटवार्ताका क्रममा मन्त्री हुसेनले दुई छिमेकी मुलुकबीचको ऐतिहासिक सम्बन्धलाई थप सुदृढ बनाउँदै क्षेत्रीय तथा अन्तरराष्ट्रिय मुद्दामा निरन्तर समन्वय र परामर्शको आवश्यकता औँल्याए ।