विश्वमञ्चमा नेपाल चम्काउने जीवन गिरी: ‘मिस्टर धर्मश्री’ देखि ‘आइरन म्यान अफ नेपाल’ सम्मको यात्रा

काठमाडौं।

अभावको चिसो अँध्यारोलाई चिर्दै सफलताको चम्किलो क्षितिजसम्म पुग्ने साहसी मानिसहरू संसारमा विरलै भेटिन्छन् । तिनै सीमित र प्रेरक पात्रहरूमध्ये नेपाली खेलकुदको इतिहासमा स्वर्णिम अक्षरले कोरिएको एउटा नाम हो, जीवन गिरी । कुनै समय शारीरिक शक्ति र बलिष्ठताको मापन परम्परागत भारोत्तोलनको साँघुरो घेराभित्र गुम्सिएर रहेको अवस्थामा, पछिल्लो समय पावरलिफ्टिङ र स्ट्रेन्थ लिफ्टिङजस्ता अत्याधुनिक विधाहरूको आगमनले नेपाली खेलकुदको दायरालाई व्यापक र व्यवस्थित बनाएको छ । खेल क्षेत्रको यसै रूपान्तरणकारी यात्रामा शारीरिक सुगठन (बडीबिल्डिङ) र स्ट्रेन्थ लिफ्टिङका माध्यमबाट नेपालको नाम विश्वमानचित्रमा गौरवका साथ स्थापित गर्ने एक अद्वितीय शिखर व्यक्तित्वका रूपमा गिरी परिचित छन् । बुद्ध जन्मस्थल कपिलवस्तुको पावन माटोमा जन्मेर संघर्षका तीखा काँडाहरू पन्छाउँदै अन्तर्राष्ट्रिय मञ्चमा नेपालको रातोनिलो र चन्द्रसूर्य अंकित झण्डा फहराउने गिरीको अविरल यात्रा केवल एउटा खेलाडीको व्यक्तिगत सफलताको कथामात्र होइन, दृढ इच्छाशक्ति र अहोरात्रको पसिनाले असम्भव मानिएका सपनाहरूलाई पनि साकार पार्न सकिन्छ भन्ने जीवन्त उदाहरण पनि हो । अभावको भुङ्ग्रोबाट सुरु भएर विश्वप्रसिद्ध बन्नेसम्मको उनको यो स्वर्णिम यात्रा भावी पुस्ताका लागि एउटा निरन्तर बगिरहने प्रेरणाको स्रोत बन्नेछ ।