सिरहामा दुई पक्षबीच झडप, प्रहरीको गोली लागेर दुई जना घाइते

सुनसरीमा भएको दुई समुदायबीचको झडपको असर सिरहा जिल्लामा पनि देखिएको छ। सिरहामा दुई पक्षबीच भएको झडपले उग्र रूप लिएपछि स्थिति नियन्त्रणमा लिन स्थानीय प्रशासनले कर्फ्यु आदेश जारी गरेको छ।

कर्फ्यु आदेश जारी भए पनि प्रदर्शनकारीहरू सडक छाड्न मानेका छैनन्। प्रदर्शन उग्र बन्दै गएपछि तोडफोड र आगजनीका घटना बढेका छन्। स्थिति नियन्त्रण बाहिर जान थालेपछि प्रहरीले गोली चलाएको छ। प्रहरीको गोली लागेर प्रदर्शनका क्रममा दुई जना घाइते भएका छन्। घाइतेहरूलाई तत्काल उपचारका लागि स्थानीय अस्पताल लगिएको छ।