सलमान रुस्दीमाथि आक्रमण गर्ने व्यक्ति आतङ्कवादसम्बन्धी अभियोगमा पनि दोषी ठहर

सर सलमान रुस्दीको हत्या गर्ने प्रयास गरेको अभियोगमा यसअघि नै २५ वर्षको जेल सजाय भोगिरहेका एक अमेरिकी व्यक्ति थप अभियोगमा दोषी ठहर भएका छन्। ती अभियोगमध्ये 'आतङ्कवादी' समूहलाई भौतिक सहयोग उपलब्ध गराएको आरोप पनि समावेश छ।

न्युयोर्कको संघीय अदालतले बुधबार हादी मातरलाई अमेरिकाले 'आतङ्कवादी संगठन'का रूपमा तोकेको लेबनानी सशस्त्र समूह हिज्बुल्लाहलाई सहयोग उपलब्ध गराएको अभियोगमा दोषी ठहर गरेको हो। अमेरिका, बेलायतलगायत धेरै देशले हिज्बुल्लाहलाई 'आतङ्कवादी संगठन'का रूपमा वर्गीकरण गरेका छन्।