जनकपुरमा प्रदर्शनकारीको ढुङ्गा लाग्दा १२ वर्षीय बालक गम्भीर घाइते, ट्रमा सेन्टरमा उपचार जारी

जनकपुरधाम । सुनसरीमा भएको घटनाको विरोधमा धनुषाको जनकपुरमा निकालिएको विरोध प्रदर्शनका क्रममा प्रदर्शनकारीले प्रहार गरेको ढुङ्गा लाग्दा एक १२ वर्षीय बालक गम्भीर घाइते भएका छन्। बिहीबार भएको प्रदर्शनका बेला भएको ढुङ्गामुढाबाट जनकपुर उपमहानगरपालिका–७ बसपार्क बस्ने पंकज दासका छोरा अन्दाजी १२ वर्षीय आनन्द दास घाइते भएका हुन्।

प्रदर्शनकारीले प्रहार गरेको ढुङ्गा लागेर बालकको टाउको र हातमा गम्भीर चोट लागेको मधेस प्रदेश प्रहरी कार्यालयले जनाएको छ। घटनालगत्तै प्रहरीले तत्काल उद्धार गरी उनलाई प्रादेशिक अस्पताल जनकपुर पुर्‍याएको थियो।