गाजामा हमासको निःशस्त्रीकरणका लागि ऐतिहासिक सम्झौता भएको ट्रम्पले गरे घोषणा

एजेन्सी । अमेरिकाका राष्ट्रपति डोनल्ड ट्रम्पले बिहीबार गाजामा हमास र अन्य सबै सशस्त्र समूहहरूको निःशस्त्रीकरण सुरक्षित गर्न ऐतिहासिक सम्झौता भएको घोषणा गरेका छन् । हमास र इजरायलबीच अमेरिकाको मध्यस्थतामा युद्धविराम सम्झौता भएको केही महिनापछि राष्ट्रपति ट्रम्पको यो नयाँ घोषणा आएको हो ।

ट्रम्पको घोषणालाई हमासले पनि पुष्टि गरेको अन्तर्राष्ट्रिय सञ्चारमाध्यमहरूले लेखेका छन् । तर गाजापट्टीबाट इजरायल नहटेसम्म निःशस्त्रीकरणको कारवाही अघि बढाउने हमासका अधिकारी गाजी अहमदले बताएको भनी अलजजीराले लेखेको छ ।