रुकुम पश्चिममा हवाई फायर गरी तीन किलो अफिमसहित दुई जना पक्राउ

रुकुम पश्चिम । रुकुम पश्चिमको आठविसकोट नगरपालिका–०४ छोटेबगरबाट करिब तीन किलोग्राम अफिमसहित दुई जना पक्राउ परेका छन् । पक्राउ पर्ने क्रममा एक जनाले प्रहरीमाथि खुकुरी प्रहारको प्रयास गरेपछि स्थिति नियन्त्रणमा लिन प्रहरीले एक राउन्ड हवाई फायर गरेको थियो।

पक्राउ पर्नेमा आठविसकोट नगरपालिका–०३ स्यालाखदी बस्ने २८ वर्षीय टिकाराम बोहरा र आठविसकोट नगरपालिका–०२ स्याला बस्ने २० वर्षीय गणेश वली रहेका छन्। सडकछेउमा शङ्कास्पद अवस्थामा हिँडिरहेको बेला प्रहरी टोलीले उनीहरूलाई रोकेर चेकजाँच गर्न खोजेको थियो।