सम्पर्कविहीन निर्मल पुर्जाको जीपीएस लोकेसन समुद्री सतहदेखि ५,८७८.६७ मिटर उचाइमा

पाकिस्तानको काराकोरम हिमशृंखलास्थित ८,०४७ मिटर अग्लो ब्रोड पिक आरोहणका क्रममा हिमपहिरोमा परेर सम्पर्कविहीन भएका नेपाली पर्वतारोही निर्मल पुर्जाको अन्तिम जीपीएस लोकेसन सार्वजनिक भएको छ।

पुर्जाका व्यावसायिक साझेदार मिङ्मा डेभिडका अनुसार गार्मिन स्याटेलाइट ट्र्याकिङ प्रणालीबाट प्राप्त पछिल्लो संकेतले पुर्जा समुद्री सतहदेखि ५,८७८.६७ मिटर उचाइमा रहेको देखाएको छ। अद्यावधिक भएको विवरणमा उनीहरूको स्थान स्थिर रहेको उल्लेख गरिएको छ।