सामाजिक सद्भाव र शान्ति कायम राख्न निर्माण व्यवसायी महासंघको अपिल

काठमाडौँ । नेपाल निर्माण व्यवसायी महासंघ (एफक्यान) ले देशका विभिन्न जिल्लाहरूमा पछिल्ला दिनमा भएका झडप र अशान्तिका घटनाप्रति गम्भीर ध्यानाकर्षण गराउँदै सामाजिक सद्भाव तथा धार्मिक सहिष्णुता कायम राख्न सबै पक्षसँग हार्दिक अपिल गरेको छ ।

महासंघका अध्यक्ष निकोलस पाण्डेद्वारा जारी अपिलमा सुनसरी, सिराहा, धनुषा, सप्तरी लगायतका जिल्लाहरूमा भएका झडपका घटनामा मानवीय एवं भौतिक क्षति भएकोमा दुःख व्यक्त गरिएको छ । महासंघले घटनामा परी ज्यान गुमाएकाहरूप्रति श्रद्धाञ्जली अर्पण गर्दै घाइतेहरूको शीघ्र स्वास्थ्य लाभको कामना गरेको छ ।