एम्बस्टमा स्नातक तहको कम्प्युटर साइन्स एन्ड टेक्नोलोजी कार्यक्रम सुरु, भर्नाका लागि यसरी दिनुहोस् आवेदन

काठमाडौं । मदन भण्डारी विज्ञान तथा प्रविधि विश्वविद्यालय (एम्बस्ट)ले स्नातक तहमा भर्ना खुला गरेको छ । ‘ब्याच्लर्स अफ साइन्स इन कम्प्युटर साइन्स एन्ड टेक्नोलोजी’ विषयमा नोभेम्बर इनटेकका लागि आवेदन माग गरेको हो ।

हालसम्म विद्यावारिधि र स्नातकोत्तर तहमा मात्र अध्यापन गराउँदै आएको विश्वविद्यालयले यस शैक्षिक सत्रबाट स्नातक तहमा पनि भर्ना खुलाएको विश्वविद्यालयका डिजिटल टेक्नोलोजी कार्यक्रम संयोजक डा.ऋतु राज लम्सालले बताए । उनका अनुसार यस वर्ष २४ जना विद्यार्थीहरूका लागि कम्प्युटर साइन्स एन्ड टेक्नोलोजी विषयमा भर्ना खुलाइएको हो ।