'बाः एक योद्धा'ले ल्यायो शीर्ष गीत, फिल्म भदौ १९ देखि

फिल्म 'बाः एक योद्धा'को शीर्ष गीत सार्वजनिक गरिएको छ। निर्माण पक्षले शुक्रबार 'चढेको बुई नबिर्स, टेकेको भुइँ नबिर्स' बोलको गीत सार्वजनिक गरेको हो।

गीतमा सञ्जीव थापाको शब्द, हरि लम्सालको संगीत र स्वर छ। गीतले आफ्नो जन्मभूमि, बुवाआमा र विगत नबिर्सनुपर्ने सन्देश दिन्छ। रूख र जरा तथा माटो र पानीको सम्बन्धलाई प्रतीकात्मक रूपमा प्रस्तुत गर्दै सफलता पाएपछि पनि आफ्नो पहिचान र धरातल बिर्सन नहुने भाव व्यक्त गरिएको छ।