कैलाश मानसरोवर यात्रामा भारतको चेतावनी, भिसा–परमिट बिना यात्रा नगर्न आग्रह

भारतको विदेश मन्त्रालयले कैलाश मानसरोवर यात्रा गर्ने क्रममा आवश्यक प्रक्रिया पूरा नगर्दा समस्या देखिएको भन्दै आफ्ना नागरिकलाई विशेष सतर्कता अपनाउन आग्रह गरेको छ।

मन्त्रालयका अनुसार हालै निजी टुर अपरेटरमार्फत यात्रा थालेका केही भारतीय नागरिक आवश्यक चिनियाँ भिसा र प्रवेश अनुमति (परमिट) बिना चीन प्रवेश गर्ने प्रयास गर्दा नेपालमै रोकिएका छन्। यस घटनापछि यात्रुहरूलाई यात्रा सुरु गर्नुअघि सबै आवश्यक कागजात पूरा भएको सुनिश्चित गर्न मन्त्रालयले अनुरोध गरेको हो।