नायिका रेखा थापाको सरकारलाई प्रश्न: तराईमा भएको कारणले नागरिकको मृत्युलाई नजरअन्दाज गरिएको हो ?

अभिनेत्री रेखा थापाले हालै सुनसरीमा भएको घटनाबारे संवेदनशील अभिव्यक्ति दिएकी छन्। उनले घटना तराईमा भएको कारण त्यति ध्यान नदिएको उल्लेख गरेकी छन्।

शुक्रबार थापाकै निर्देशनमा बनेको चलचित्र ‘माया भनेकै यस्तो होला’ को गीत रिलिज कार्यक्रममा सुनसरीमा भएको घटनाका विषयमा आफ्नो धारणा सार्वजनिक गरेकी हुन् । उनले भनिन–‘हाल हाम्रो देश एकदमै संवेदनशील घटनाबाट गुज्रिरहेको छ। हामी कलाकारलाई पनि यस्ता घटनाले दुःखी बनाउँछ। तराईको घटना भएको कारण जति समर्थन हुनु पर्ने थियो, त्यति धेरै समर्थन भएको देख्दिन। तराईकै घटना भएको कारण यसलाई नजरअन्दाज गरेको झैँ मलाई लाग्छ।’