संसदीय समितिलाई समयबद्ध र परिणाममुखी बनाउन सभामुख अर्यालको निर्देशन

प्रतिनिधि सभाका सभामुख डीपी अर्यालले संसदीय समितिहरूको कामकारबाहीलाई थप प्रभावकारी, परिणाममुखी र समयबद्ध बनाउन समितिका सभापति तथा सचिवहरूलाई निर्देशन दिएका छन्।

शुक्रबार समितिका सभापति र सचिवहरूसँग भएको छलफलमा सभामुख अर्यालले अनुगमन तथा अवलोकनका क्रममा स्पष्ट कार्ययोजना र कार्यविधिका आधारमा अघि बढ्नुपर्नेमा जोड दिए। उनले कानुन र स्थापित विधिको पालना गर्दै व्यवस्थित रूपमा अनुगमन गर्न समितिहरूलाई आग्रह गरे।