सरकार र लघुवित्त पीडितबीच ५ बुँदे सहमति, आन्दोलनका कार्यक्रम फिर्ता

सरकार र आन्दोलनरत लघुवित्त पीडितका प्रतिनिधिबीच पाँच बुँदे सहमति भएको छ। शुक्रबार अर्थ मन्त्रालयमा भएको वार्तामा दुई पक्षबीच सहमति जुटेसँगै लघुवित्त तथा वित्तीय शोषण विरुद्धको संघर्ष समितिले देशभर सञ्चालन गर्दै आएका आन्दोलन र अनसनका सबै कार्यक्रम आजैका मितिदेखि अन्त्य गर्ने सहमति भएको छ ।

अर्थमन्त्रीस्तरको साउन १४ गतेको निर्णयानुसार गठित सरकारी वार्ता टोली र संघर्ष समितिका पदाधिकारीबीच भएको सहमतिअनुसार लघुवित्त पीडितहरूको समस्या समाधानका लागि गठित कार्यदलले गत साउन २२ गते पेस गरेको प्रतिवेदन कार्यान्वयनका लागि १५ दिनभित्र अर्थ मन्त्रालयसमक्ष सिफारिस गरिनेछ।