बाढी पीडितको राहतका लागि श्रृंखला र सम्भवले २५ लाख रुपैयाँ दिने

काठमाडौँ । पूर्व मिस नेपाल श्रृंखला खतिवडा र उनका व्यवसायी श्रीमान सम्भव सिरोहियाले प्रधानमन्त्री दैवी प्रकोप उद्धार कोषमा २५ लाख रुपैयाँ सहयोग गर्ने घोषणा गरेका छन् ।

देशका विभिन्न भागमा आएको विनाशकारी बाढी र पहिरोबाट प्रभावितहरूको राहत तथा पुनःस्थापनाका लागि यो जोडीले उक्त रकम प्रदान गर्ने निर्णय गरेको हो ।