प्रधानमन्त्री दैवी प्रकोप उद्धार कोषमा इप्पानको ५ करोड ५ लाख ५० हजार सहयोग घोषणा

काठमाडौं– स्वतन्त्र ऊर्जा उत्पादकहरूको संस्था, नेपाल (इप्पान) एवं इप्पान सम्बद्ध जलविद्युत् कम्पनीहरूको तर्फबाट प्रधानमन्त्री दैवी प्रकोप उद्धार कोषमा ५ करोड ५ लाख ५० हजार रुपैयाँ आर्थिक सहयोग गर्ने निर्णय गरेको छ ।

इप्पानको बिहीबारको बैठकले बुधबार भोटेकोशीमा आएको भीषण बाढीका कारण रसुवा, नुवाकोट, धादिङ, गोरखा चितवन, तनहुँलगायत जिल्लामा दिवंगत भएका नागरिकप्रति श्रद्धाञ्जली एवं घाइतेप्रति शिघ्र स्वास्थ्यलाभको कामना गर्दै सहयोग दिने निर्णय गरेको हो ।