खेलाडीलाई छैन विश्राम

फिफा विश्वकपको सकिएको एक महिनाजति पनि नबित्दै विश्वकै चर्चित लिगमध्ये एक इङ्लिस प्रिमियर लिगको नयाँ सिजन सुरु हुँदै छ।

आगामी अगस्ट २१ तारिखदेखि सुरु हुने लिग र जुलाई १९ तारिखमा अमेरिकामा सम्पन्न विश्वकप फाइनलबिचको अन्तर मात्र ३३ दिनको छ। यो समय व्यावसायिक क्लबका लागि पर्याप्त मानिएको छैन। किनभने फिफाकै नियमअनुसार विश्वकप खेलेका खेलाडीले कम्तीमा तीन साताको विश्राम पाउनुपर्छ। त्यसपछि मात्र उनीहरू क्लबमा फर्किएर टोलीसँग अभ्यास गर्न पाउँछन्। यसले विशेष गरी विश्वकपको अन्तिम चरणसम्म पुगेका खेलाडी रहेका क्लबलाई अप्ठ्यारो परेको छ। इङ्लिस प्रिमियर लिग क्लब टोटेनहम त्यसको उदाहरण हो। क्रिस्टियन रोमेरो र नयाँ अनुबन्धित खेलाडी मार्कोस सेनेसी अर्जेन्टिनासँग फाइनल पुगे। पेड्रो पोरो स्पेनको विश्वकप विजेता टोलीका सदस्य हुन्। उनी टोटेनहमकै स्टार पनि हुन्।