चोट चिर्दै मैदानमा नेयमार

फिफा विश्वकप २०२६ मा ब्राजिलियन फुटबलर नेयमारको पुनरागमन र जापानविरुद्धको आगामी भिडन्तले विश्वभरका फुटबलप्रेमीमा छुट्टै कम्पन पैदा गरेको छ । लामो समयपछि चोटको पीडालाई शक्तिमा बदल्दै स्कटल्यान्डविरुद्ध मात्र १४ मिनेट मैदानमा बिताएर ९२ प्रतिशत सटिक पास र तीन उत्कृष्ट अवसर सिर्जना गरी नेयमारले आफ्नो सनसनीपूर्ण पुनरागमनको बिगुल फुकिसकेका छन् ।

महान् खेलाडी पेले र काफुपछि चार विश्वकप खेल्ने चौथो ब्राजिलियन तथा लगातार चार पटक प्रतिष्ठित १० नम्बर जर्सी पहिरिने पहिलो ऐतिहासिक ब्राजिलियन खेलाडी बनेका नेयमारका लागि नकआउट चरणको प्रतिद्वन्द्वी जापान सबैभन्दा प्रिय “प्रतिद्वन्दी” हो । तथ्याङ्कमा जापानविरुद्ध खेलिएका ५ खेलमा ९ गोल र ३ असिस्टसहित कुल १२ गोलमा सिधै योगदान दिएका नेयमारले “सामुराई ब्लु” सँग कहिल्यै हार बेहोर्नु परेको छैन ।