'भदौ २४ को टीओबी प्रायोजित आमहिंसाका अतिवादी जरा नष्ट नगरेसम्म देश अराजक अस्थिरबाट तङरिनै सक्दैन'

नेकपा एमालेका नेता गोकुल बास्कोटाले भदौ २४ गते भएको हिंसात्मक घटनाका प्रायोजक र त्यसका मूल कारणमाथि कारबाही नगरेसम्म देशमा अराजकता र अस्थिरता अन्त्य हुन नसक्ने बताएका छन्।

शनिबार सामाजिक सञ्जालमार्फत बास्कोटाले यस्तो बताएका हुन्। उनले भदौ २४ को घटनालाई टीओबी प्रायोजित आतङ्कवादी आमहिंसाको संज्ञा दिएका छन्। उनले उक्त घटनाका अतिवादी जरा नष्ट नगरेसम्म देश स्थायित्वतर्फ अघि बढ्न नसक्ने दाबी गरेका छन्।